11 ayın sultanı olan Ramazana lap az qalır. Bütün İslam dünyasında
sevinclə dolu bayram abu-havası hökm sürür. Allaha iman gətirən insanlar bu
böyük ayı səbirsizliklə gözləyir. Bəs biz necə bu böyük imtaha hazırıqmı?
İnsanların hamısı ziyafətdə
iştirak etməyi xoşlayırlar. Xüsusilə böyük şəxsiyyətlərin təşkil etdiyi
ziyafətlər hamı üçün daha maraqlı və arzulanandır. Hər bir ziyafət onu
təşkil edənin kimliyindən asılı olaraq ozünəməxsusluğu ilə seçilir. Bu
səbəbdən də ziyafətlər heç də həmişə süfrədə olan rəngarəng nemətləri
ilə yadda qalmır.
