Əssaləmu əleykum, Qonaq | Qrupunuz: "Qonaq" | RSS
İslamiyyət
Bömələr
Мини-чат
Baş səhifə » 2008 » Avqust » 17 » İmam Mehdinin (ə) mövludu!
İmam Mehdinin (ə) mövludu!
17:09

Əziz müsəlman bacı və qardaşlarımız !

Sizləri imamət səmasının parlaq ulduzu, on dördüncü məsum  İmam Məhdinin  (ə) mübarək mövlud günü münasibəti ilə təbrik edirik!

Peyğəmbər (s.ə.v.v) buyurmuşdur:

“Əgər dünyanın sonuna bircə gün qalsa, Allah-taala həmin gün mütləq bizim nəsildən bir nəfəri üzə çıxarar ,o da dünyanı  zülmlə dolduğu kimi haqq- ədalətlə doldurar.”

 

     O həzrətin (ə) atası on birinci  İmam Həsən Əsgəri (ə), anası isə Rum padşahının qızı Nərciz (Nərgiz) xanım idi. Nərciz xanım H. İsa (ə) həvarilərindən olan Şəmunun nəslindəndir. (Bu qızı öz əmisi oğluna nigah etmək məqamında iş pozulmuş, elə həmin gecə  Rəsuli Əkrəm (s) və Fatimeyi Zəhra (ə) onun yuxusuna gəlib İmam Həsən Əsgərini ona göstərmişlər. Sonra  yuxuda ona müsəlmanlığı  təlim edərək, onu İmam Həsən Əsgəriyə (ə) nigah etmişlər. Qız öz məqsədinə çatmaq üçün xəlvətcə şah sarayından qaçıb, özünü satılmağa gedən kənizlərə qatmış, İmam Əliyyən Nəqinin (ə) amili onu kəniz adı ilə alıb imamın evinə gətirmiş, o da onu öz oğlu İmam Həsən Əsgəri (ə) cənabları ilə nigahlamışdır. ) Bu xanımın fəziləti o dərəcə çox olmuşdur ki, İmam Əliyyən Nəqi (ə)-ın bacısı Həkimə xanım onu  öz nəslinin ən fəzilətli xanım, özünü isə onun xadiməsi adlandırmışdır.

     Həzrəti Mehdi (ə) bu fəzilətli xanımdan dünyaya gəlmişdir. Həzrət hicrətin 255 (256)- ci ilində Şəban ayının  15-c gecəsi cümə axşamı Samira şəhərində dünyaya gəlmişdir.

    Xilafət hələ İmam Həsən Əsgərinin (ə) imaməti zamanı hansı vasitə ilə olursa- olsun O Həzrətin canişinini aradan götürmək istəyirdi. Məqsəd isə imamətə  və nəticə etibarı ilə şiəliyə son qoymaq idi.   Bu məqsədlə zəmanənin Fironu sayılan Abbasi xəlifəsi Mötəmid imamın evini nəzarət altında saxlayırdı. (Necə ki, Firon Musa peyğəmbərin dünyaya gəlişinə mane olmaq üçün əlindən gələn vəhşilikləri etdi, amma buna qadir olmadı. Çünki Allah-taala öz  vədinə əməl edəndir.)

İmam Mehdinin (ə) doğumu bu baxımdan gizli saxlanılırdı.

    İmam Həsən Əsgərinin (ə) bibisi Həkimə xanım o mübarək  günü belə nəql edir: İmam Əsgərinin evindən xudahafizləşib çıxırdım ki, imam buyurdu: “Ey əziz bibi, bu gecə bizim yanımızda qal. Çünki uşağımız dünyaya gələcək”. Mən sevinib Nərcizin yanına getdim, lakin  onda boyluluqdan heç bir nişanə görmədim. Heyrətlənib öz –özümə “mən bu uşağın dünyaya gəlməsindən heç bir əsər- əlamət görmürəm”-deyirdim ki, imam buyurdu: “Ey bibi, narahat olma. Nərciz Musanın anası kimidir. Uşaqda Musa kimidir! Uşaq sübh azanı deyiləndə dünyaya gələcəkdir. Uşağın yanına get!”

     Bəli, Həzrəti Mehdi (ə) də, Musa peyğəmbər kimi Allah- taalanin  iradəsi ilə dünyaya gəlmişdir.

 O həzrət dünyaya gələn kimi səcdəyə düşüb kəlmeyi-şəhadəti deyərək, şəhadət barmağını asimana qaldırıb “Əlhəmdulilləhir rabbil ələmin”oxumuş, sonra bütün imamların, eləcə də atası İmam Həsən Əsgərinin və özünün imamətinə iqrar etmişdir. Necə ki, Həzrəti  İsa (ə) da hələ beşikdə ikən peyğəmbərliyə yetişmişdir.

Altı yaşında hələ atası sağ olarkən onu camaatın nəzərindən gizli saxlamışlar. Yalnız seçilmiş şiələr onu görmüşdür.

 

Həzrəti Mehdi(ə) iki dəfə qeybə çəkilmişdir. Bunlardan biri qısa müddətli, digəri isə  uzun müddətli qeyb dövrüdür. Atasının şəhadətindən sonra O Həzrət (ə) Allahın əmri ilə kiçik qeybə çəkildi. Kiçik qeyb  dövrü  xüsusi naiblərin naiblik dövrünün sonuna qədər davam etmiş, böyük qeyb dövrü isə birinci mərhələnin qurtarması ilə başlamış O Həzrət zühur edənə qədər davam edəcək. Əlbəttə  on ikinci imamın qeybə çəkilməsinin bütün sirləri bizə məlum deyil. İmamın qeybə çəkilməsinin səbəbləri sahəsində aşağıda sadaladığımız məsələlər  əsas götürülür.

    Birincisi bu idi ki, Allah Taala 12-ci imamı qeybə çəkməklə O Həzrəti ölümdən qurtarmışdır. Xilafət 12-ci imamı hansı vasitə ilə ilə olur olsun aradan götürməyi özünə vəzifə bilirdi.  Əgər həzrət camaat arasında olsaydı, onu mütləq öldürərdilər və nəticədə İlahi vəzifələri  icra etməyə nail olmazdı.

     İkincisi, Həzrəti Mehdi (ə) qeybdə olduğu dövrdə insanların sınağa çəkilməsi idi. İman və əqidəsi möhkəm olanlar o həzrətin zühurunu gözləmək və çətinliklərə tab gətirməklə  Allahın daha böyük mükafatlarına layiq görülərlər.

     İmam Museyi Kazım buyurmuşdur:

“Beşinci oğlum qeybə çəkildikdə dininizi qoruyun, muğayat olun kimsə sizi yolunuzdan çıxarmasın. O istər-istəməz qeybə çəkiləcək. Onda bəzi möminlər öz əqidələrindən dönəcəklər. Allaha taala onu qeybə çəkməklə öz bəndələrini sınağa çəkir.”

    On ikinci  İmam heç bir rejimi rəsmi tanımamış və tanımır. O, heç bir hakimin hökümətini qəbul etmək məcburiyyətində olmayıb və olmayacaq. O, Allahın dinini mükəmməl şəkildə, heç bir bəhanəni qəbul etmədən icra edir.

 İmam Sadiq(ə) buyurmuşdur:

“ Allah-taala Həzrət Adəm əleyhissalamı yaratdığı gündən  Qiyamətə qədər yer üzü heç vaxt hüccətsiz olmamış və olmayacaqdır. İstər zahiri və aşkar hüccət olsun, istərsə də qeybdə və gizlində olan hüccət. Əgər yer üzündə ilahi bir hüccət olmasa, Allaha sitayiş olunmaz”

    Allah-taalanın bizlərə lütf etdiyi sonuncu hüccət, Həzrəti-İmami-Əsr ( Mehdi) (ə) hal-hazırda sağ və salamtdır. Allahın izni ilə qeybə çəkilmişdir və Allahın əmri ilə zühur edərək dünyanı ədalət nuruna qərq edəcəkdir, İNŞƏALLAH....

 

                                                                                Nurlu Aydın                                                                     

                                                                      mail: nurlu.aydin@mail.ru


  [Məqalələr] | Oxunub: 1300 | Müəllif: Pünhan |
Şərh sayı: 0

Добавлять комментарии могут только зарегистрированные пользователи.
[ Регистрация | Вход ]
İstifadəçi girişi
Təqvim
«  Avqust 2008  »
B.e.Ç.a.ÇC.a.C.Ş.B.
    123
45678910
11121314151617
18192021222324
25262728293031
Axtarış
Dost saytlar
Sayğac

Online: 1
Qonaqlar: 1
İstifadeçiler: 0
Müstəqil İslam saytı © 2019
Təklif və iradlar üçün: islamiyyet@bk.ru

 Materiallardan istifadə edərkən istinad zəruridir!
Sayt 7 Rəcəb (22 iyul) 1428-ci ildən (2007) fəaliyyət göstərir.

Конструктор сайтов - uCoz