Ayətullah Xameneyi: Ruhani olan yerdə qeyri-ruhani imam camaat ola bilməz və ona iqtida icazəli deyil. Məmunların hökmü bilmədən qıldıqları namaz düzgündür, amma hökmü bildikdən sonra iqtida etdikləri namaz işkallıdır.
Ayətullah Sistani: Əgər qeyri-ruhani imam camaat olmağın şərtlərini özündə toplamış olsa, eybi yoxdur, əks təqdirdə icazəli deyil və ona iqtida etmək olmaz.
Ayətullah Vəhid: Qeyri-ruhaninin imam camaat olması ruhanilərə hörmətsizlik olmasa və imam camaatın şərtlərini özündə toplamış olsa, camaat da onu qəbul etsələr, eybi yoxdur.
Ayətullah Məkarim: Əgər imam camaatın şərtlərini özündə toplamış bir şəxs həmişə o məntəqədə hazırdır və camaat da onu qəbul edirlərsə, amma ruhani ara-bir gələn şəxsdirsə, eybi yoxdur. Əks təqdirdə camaatın vəzifəsi qeyri-ruhaniyə xəbərdarlıq etmək və ona iqtida etməməkdir.
Ayətullah Fazil: Ruhani olduğu təqdirdə qeyri-ruhaninin imam camaat olması işkallıdır və əgər məsciddə olsa və bu iş ruhaniyə hörmətsizlik hesab edilsə, haram və ona iqtida etmək icazəli deyil.
Ayətullah Behcət: Əgər ruhaniyyətə hörmətsizlik olmasa, İmam camaatın şərtlərini özündə toplamış qeyri-ruhaninin imam camaat olmasının eybi yoxdur